Nagpahanumdum si Vice President Sara Duterte sa mga Filipino nga ipakigbato ang kahilwayan sang pungsod kag indi magpadala sa mga traidor kadungan sang Independence Day kahapon.
Suno sa iya, wala kita nangin hilway agud lamang mag-antos ang pungsod kag madulaan sang kinamatarong.
Ginpahanumduman sini ang mga Filipino nga ang kahilwayan nga may yara sa karun ang bunga sang mga sakripisyo sang mga baganihan.
Suno kay Duterte, ang pag-embrace sang isa ka kultura sang servitude ang isa ka disservice sa memorya sang mga baganihan.
Ang pagpabulag-bulag sa pag-antos sang mga Filipino kag pagbayolar sang ila mga kinamatarong ang daw kaangay man sang pagdesecrate sang ispirito sang kalinong.
Ginhangkat sini ang mga pumuluyo nga padayon nga magpakigbato para sa kahilwayan sang pungsod kag indi ini pag-isurrender sa mga traidor.
