Nagbayluhanay ang Iran kag Israel sang missiles kag airstrikes kahapon, isa ka adlaw matapos nga naglunsyar naglunsyar ang Israel sang airstrikes batok sa nasambit nga pungsod kun sa diin nagpatay sa mga commandrs kag scientists kag ginbombahan pa ang nuclear sites agud nga punggan ang paghimo sang atomic weapon.
Samtang, nagdangat sa masobra 60 ka mga indibidwal ang ginbawian sang kabuhi matapos nga gin-atake sang Israeli ang housing complex sa Iranian capital nga Tehran.
Santo sa report, kalakip sa mga napatay ang 20 ka mga kabataan kag senior military commanders.
Samtang, yara naman sa 320 ka mga tawo ang nasamaran.
Bangud sini, naga-apelar si Pope Leo sa mga otoridad sa Iran kag Israel nga maghimo sang nagakaigo nga tikang kag diskusyunan ang nagakatabo nga pagbaslanay sang duha ka mga pungsod sa pagpang-atake.
Sa sermon sini sa St. Peter’s Basilica, ginpahayag sang Santo Papa nga nagakabalaka ini sa sitwasyon.
Nagpanindugan man ang Santo Papa nga wala sang bisan sin-o man ang may kinamatarong nga magpamahog sa kaangay nila nga tawo.
Dugang pa sini nga obligasyon sang tanan nga pungsod nga suportahan ang mga kawsa nga nagaduso sang kahilwayan kag kalinong sa bug-os nga kalibutan.
