Ginkumpirmar sang Bacolod City Health Office nga may yara na sang isa kaso sang MPox ukon Monkeypox sa Bacolod City.
Ang pasyente ang yara na sa estable nga kondisyon nga sa karun padayon nga nagabaton sang nagakaigo nga pagbulong kag ginamonitor sa designated health facility.
Sa karon, nagakoordinar na ang CHO sa Corazon Locsin Montelibano Memorial Regional Hospital (CLMMRH) sa pagpatuman sa protocols agud nga ma-manage ang sitwasyon kag masiguro ang public safety.
Nagpasalig naman ang Bacolod City Government nga ang tanan nga kinahanglanon nga tikang yara sa lugar kag nagapadayon ang ila koordinasyon sa national health authorities para sa epektibo nga pag-manage sa sitwasyon.
Gina-abisuhan sang CHO ang publiko nga magpabilin nga kalmado, mag-practice sang proper hygiene, mag-obserbar sang health protocols, kag gilayon nga magpakonsulta kun may nabatyagan na nga sintomas.
Gina-discourage sang city government ang ano man nga sahi sang diskriminasyon batok sa mga pasyente kag pamilya sang mga ini.
