Ginpahayag sang Chairman sang Committee on Agriculture sa Sangguniang Panlungsod sa Bacolod City nga maayo man ang pagpatuman sang pagpabaligya sang P20 kada kilo sang bugas sa ciudad.
Sa interview sang Bombo Radyo Bacolod kay Councilor Jude Thaddeus Sayson, nakolekta man sang ciudad ang dapat nga kolektahon paagi sa pagbaligya sang bugas kag ini ang i-remit pa sa Food Terminal Incorporated (FTI).
Suno kay Sayson, nangin maayo man ang implementasyon sang programa apang aminado man ini nga may yara sang reklamo.
Ginpahayag man sini pila kaadlaw ang ciudad ang nagbaligya sa mga merkado antes naman nagpanaog sa kada Barangay.
Aminado man ini nga indi man adlaw adlaw makabaligya sang P20 kada kilo nga bugas bangud nakadapende man ini sa supply.
Nagpanawagan man ini sa mga beneficiaries nga hatagan man sang tsansa ang iban nga makabakal sang barato nga bugas.
Ini ang kasunod sang mga impormasyon nga ang iban ang pila ka sulit nga magbakal sang bugas tubtob nga ang iban ang indi na makaabot bangud naubusan sang supply.
