Dako man nga bulig sa mga pumuluyo kun malakip ang mga minimum wage earners ang makabakal sang P20 kada kilo sang bugas.
Sa interview sang Bombo Radyo Bacolod kay General Alliance of Workers Association (GAWA) Secretary General Wennie Sancho ang bugas ang isa sa basic neccessity sang tawo kun sa diin dako nga bulig sa mga minimum wage earners kun makabakal sang barato nga bugas.
Suno kay Sancho, ang nasambit nga programa ang dako gid nga bulig sa mga tawo ilabi na ang masami nga problema ang kamahal sang bugas.
Nagalaom man ini nga ang gobyerno ang makasustiner sang programa.
Ginpahayag man sini nga sa Negros Occidental pa lang kun ilakip ang mga nagatrabaho sa sugar lands nagadangat sa 100,000 kun sa diin ini ang kadamuon sang mga tawo nga makabenepisyo sa barato nga bugas.
Apang ginpahayag man sini nga dapat bantayan gid ang pagpatuman sang ini nga programa bangud may mga tawo kun kaisa nga nagapamintaha kaangay lamang sang baklon sang barato ang bugas kag tipunon pagkatapos ibaligya man sang mahal.
Nagalaom man ini nga ang gobyerno ang masustiner ang ini nga programa.
