Nagdangat na sa 11 ang nagkalamatay matapos ang ginlunsyar nga missile strikes sang Iran bilang balos sa nauna nga pag-atake sang Israel.
Madumduman nga sang Biyernes, naglunsyar ang Israel sang isa ka surprise aerial campaign nga nagatarget sang mga sites sa palibot sang Iran kag ginpahayag nga ang mga pagpang-atake ang may tinutuyo nga punggan ang pag-acquire sang Iran sang atomic weapons, nga ginpanginwala naman sang Tehran.
Ang strikes sang Israel ang nakapatay na sa karun sang 224 ka mga persona lakip na ang mga top military commanders, nuclear scientists kag mga sibilyan.
Bilang pagbalos, ginpahayag sang Revolutionary Guards sang Iran nga nangin madinalag-on ini sa pag-igo sa Israel paagi sa isa ka salvo sang missiles kag nagpaandam sang epektibo, targeted kag mas malala nga operasyon.
