Wala sang nakita nga foul play ang Cadiz City Fire Station matapos nga mapatay ang isa ka lalaki matapos masunog ang iya balay sa Hacienda Navidad, Brgy. Caduha-an, kaagahon sang Hunyo 17.
Sa interview sang Bombo Radyo Bacolod kay Fire Inspector Archie Españo, City Fire Marshall sang Cadiz City Fire Station, ang insidente ang late reported kag ginpahibalo lamang sila sang personnel sang Cadiz City Police Station.
Suno kay Españo, pagkahibalo nila sang nagluntad nga insidente gilayon man ang mga ini nga nagpadulong sa lugar agud nga mag-imbestigar.
Sa nagluntad nga sunog may yara sang casualty kag ini ang ginkilala kay Alan Alibotdo, 52 anyos, indi kasado apang may duha ka mga kabataan.
Suno diri, nagdangat sa P10,000 ang balor sang kahalitan sang sunog.
Dugang pa ni Españo, posible hubog ang biktima kag tulog rason nga wala ini nakabatyag nga nasunog na ang iya balay.
Sa karun, gina-imbestigaran pa sang Cadiz City Fire Station kun ano gid ang ginhalinan sang kalayo nga nagluntad nga sunog.
