Ginpakigbahin sang actress nga si Claudine Barretto ang iya nabatyagan matapos wala gin-imbitar sa kasal sang iya hinablos nga si Claudia Barretto.
Sa isa ka interview ginpahayag ni Claudine, ginbuyagyag sang aktres nga luyag man niya nga magtambong sa kasal nanday Claudia kag Basti Lorenzo.
Suno sa iya, si Claudia ang paborito niya sa mga anak ni Marjorie Barretto.
Ginpahayag man niya nga ginhatagan man niya si Claudia sang iya una nga Rolex kag Cartier kag naandan niya nga maghatag sang special presents sa iya mga hinablos sa milestones sang mga ini.
Sa pihak sini, gin-athag niya nga ang importante para sa iya amo nga malipayon ang iya hinablos nga ginakahidlawan niya subong.
Madumduman nga sanday Claudia kag Basti ang ginkasal sang Abril sa isa ka intimate ceremony.
