Ginpasalamatan sang pinuno sang Talisay City Social Welfare and Development Office ang tanan nga nagbulig agud nga malocate ang ginikanan sang lapsag.
Sa interview sang Bombo Radyo Bacolod kay Dionela Madrona, nagpasalamat man ini sa Bombo Radyo Bacolod nga nagpost sa social media nga nakahatag sang kasayuran agud nga magpakita ang duha.
Suno kay Madrona ang duha ang nagaedad lamang sang 20 anyos.
Santo sa interview sini sa duha ginpahayag sang mga ini nga nahimo lamang nila nga mabilin ang lapsag bangud sa kakulba sa kun ano ang mangin reaksyon sang ila pamilya sa ila ginhimo.
Nakita man ni Madrona bilang isa ka social worker nga hugot man ang paghinulsol sang duha.
Wala nakahibalo ang mga ginikanan sang duha nga nagabusong ang babayi.
Ang bata ang yara sa shelter kag luyag nga kuhaon sang duha apang kinahanglan pa nga mag-agi sa nagakaigo nga proseso.
Panawagan sini sa publiko nga mangin responsable sa tanan nga mga butang nga ginhimo kag atubangon ang konsekwensya sang hinimuan.
