Ginalauman ang dako nga pagsaka sa presyo sang produktong petrolyo sa palaabuton matapos ang trading sang Miyerkules.
Santo sa data nagikan sa pila ka mga oil players, ang increase nga ginbase sa una nga tatlo ka trading days ang yara na sa karun P3.65 kada litro sa diesel, P3.53 para sa kerosene kag P2.37 para sa gasolina.
Suno kay Jetti Petroleum President Leo Bellas, kapin P3.90 tubtob P4.10 kada litro sang diesel ang nagakakit-an sini nga pagsaka kag masobra P2 naman sa kada litro sang gasolina.
Apang kun magapadayon ang pagsaka sang presyo sa masunod nga duha ka adlaw, kag magapadayon sa pagnubo ang value sang Philippine peso batok sa US dollar, posible nga magadangat sa P4 ang pagsaka sa kada litro sang diesel.
Naghingyo ang Department of Energy sa mga oil companies nga i-extend ang mga discounts sa public utility vehicles agud mapahagan-hagan ang impact sang mataas nga presyo sang gatong.
