Kaangay nga ginapamatukan ni US President Donald Trump ang offer ni Russian President Vladimir Putin nga magpatunga sa konflikto sang Israel kag Iran kag ginpahayag nga dapat anay tapuson sang Russian president ang kaugalingon sini nga gyera sa Ukraine.
Suno kay Trump, nakighinun-anon ini kay Putin kag nag-offer ini nga magbulig sa pagmediate apang nagsabat ang US President nga mas maayo nga magpatunga ini anay sa kaugalingon sini nga gyera.
Gindispute naman ni Kremlin spokesman Dmitry Peskov nga natabo ang paghinun-anon sang Miyerkules kag ginalantaw nga posible Sabado ini natabo matapos gintawgan ni Putin si Trump agud i-greet ini sa iya ika-79 nga kaadlawan.
Samtang, gina-insist ni Trump nga matabo sa gihapon ang peace talks agud matapos na ang gyera sa Ukraine apisar nga mas ginapansanyog pa sang Moscow ang pagpang-atake.
