Wala pa nakapasa sang sabat si Vice President Sara Duterte sa summons nga gin-issue sang Senate Impeachment Court.
May kahigayunan pa ang kampo ni Duterte nga magsumiter sang ila sabat tubtob alas 11:59 sang gab-i sa Lunes, Hunyo 23.
Natapos na ang napulo ka adlaw nga ginhatag sang impeachment court agud magsabat si Duterte kahapon, Hunyo 21, apang bangud ini ang nagtupa sa Sabado, ginahatagan sila sang dugang nga oras tubtob Lunes.
Ginkumpirmar ni Atty. Reginald Tongol, spokesperson sang impeachment court nga wala pa sang may ginpadala nga sabat si Vice President Duterte.
Suno sa iya, may sabat man ukon wala, magapadayon sagihapon ang proseso.
Gin-athag man sini nga si Vice President Duterte ang possible nga mag-atubang sa trial pagkatapos sang 19th congress.
