Nagpaandam si Pope Leo XIV sa posible nga kunsekwensya sang artificial intelligence (AI) sa intellectual development sang mga kabataan.
Sa iya mensahe sa ginpatigayon nga Rome Conference on AI, ginpahayag sang Santo Papa nga dako ang mabulig sang AI sa pag-develop sang pila ka sektor kaangay sang healthcare kag scientific research.
Apang nagpabutyag ini sang kahangawa sa malain nga epekto sini sa kabataan ilabi na sa kun paano nila hangpon ang reyalidad sa kabuhi.
Nahibaluan nga si Pope Leo ang nangin target man sang deep fake videos kag audio messages nga ginpalapta sa social media sang na-elect siya nga Santo Papa.
Naka-publish ini sa YouTube kag TikTok pages kag naga-broadcast sang AI-generated messages nga nagapapati sa publiko nga ini ang matuod nga mensahe sang Pope sa lenggwahe nga English ukon Spanish.
