Pormal na nga nagpungko bilang bag-o nga direktor sang Police Regional Office 6 si Police Brigadier General Josefino Ligan.
Ginbuslan ni Ligan si PBGen. Jack Wanky nga nagpungko nga direktor sang Police Regional Office 6 sa sulod sang 16 ka bulan.
Si Wanky ang magapungko naman bilang direktor sang PRO CALABARZON.
Sa interview sang Bombo Radyo Badyo kay Police Lt. Col Ariel Solis, spokesperson sang Police Regional Office, nagpungko na sang Biyernes bilang bag-o regional director sang Police Regional Office Police Brigadier General Ligan.
Base sa ginpagwa nga order, si Ligan ang una ginrelieved sa National Capital Region Police Office (NCRPO) kag ginsaylo sa Police Regional Office1 apang nagwa na naman ang order sang Hunyo 20 sang aga nga ginadesignar si Ligan bilang direktor sang PRO- 6.
Suno kay Solis si Police Brigadier General Ponce Rogelio Peniones naman nga una ginbutang sa PRO6, ginsaylo bilang director sang Police Regional Office 2.
Suno diri, ginpasalamatan sang PRO6 si Police Brigadier General Jack Wanky bangud sang iya nangin maayo nga liderato sa Western Visayas.
Sang Biyernes, ginpatigayon ang turn-over ceremony sa Police Regional Office 6.
Gin-abi abi man sang Police Regional Office 6 si Ligan bilang bag-o nga regional director.
