Nagpungko bilang bag-o nga hepe sa Calatrava Municipal Police Station si Police Capt. Jesus Alba matapos nga ma-relieve sa pwesto si Police Major Wilfredo Benoman Jr.
Si Alba ang anay Deputy Chief of Police sang si Benoman pa ang hepe sa kapulisan sa amo nga banwa.
Ginpatuman ang order sang Hunyo 19 samtang si Benoman naman ang ma-assign sa Negros Occidental Police Provincial Office kun sa diin nagahulat ini sa iya bag-o nga assignment kag ang natalana nga promotion para sa ranggo nga Lt. Col.
Suno kay Alba, siya ang officer-in-charge nga gindesignar nga magabulos kay Benoman santo man order sang provincial director.
Suno diri, ang relief order kay Benoman ang nagikan sa regional office kag ginakabig nila ini nga positibo bangud for promotion si Benoman.
Samtang bilang OIC may yara na sila sang plano sa bulig sang provincial director kasubong supporta man sang Local Government Unit.
Suno kay Alba, isa sa mga plano ang pagbutang sang police presence sa upland Barangays sang banwa agud madasig ang pagresponde kun kinahanglanon.
