Nagapati si Vice President Sara Duterte nga indi makasarang ang Pilipinas para sa gyera ukon maskin ano nga “global shock” bangud sa kakulang sang plano kag direksyon sang Marcos administrasyon.
Suno kay Duterte, indi preparado ang Pilipinas para sa pagbag-o, gyera kag global shock bangud wala sang plano kag wala man sang vision ang gobyerno.
Suno diri, siya ang nangin miyembro sang Gabinete kag nakit-an sini nga wala sang direksyon ang administrasyon.
Gani ginhangkat sini ang mga pumuluyo nga mag-isa kag iduso ang administrasyon nga ihatag ang nagakaigo para sa pungsod.
Nagpabutyag man ini sang disapproval sa pagdeploy sang Estados Unidos sang Typhoon missile system sa Pilipinas.
Panindugan sang bise-presidente nga wala sang dapat nga dampigan ang Pilipinas kag dapat nga balansehon sini ang foreign relations sa nagkalain-lain nga pungsod.
