Dako ang pagsalig ni Agriculture Secretary Francisco P. Tiu Laurel Jr. nga magasanyog ang agrikultura sa Pilipinas sa ikaduha nga quarter sini nga 2025.
Kumpyansa ang Department of Agriculture nga mangin mas mataas ang output sang bugas kag mais bangud sang manami nga tyempo kag mga bulig sang gobyerno nga ginmando ni President Ferdinand ‘Bongbong’ Marcos Jr.
Suno sa ahensya nga matapos nga nagnubo ang output sa 0.5 perfect sa 1st quarter sang 2024 bangud sang El Niño, nakabawi na sa karon ang agriculture sector kag yara na sa 2.2 perfect sa una nga quarter sini nga 2025.
Santo sa pinakaulihi nga PSA projections, ginalauman nga magalab-ot sa 4.36 million metric tons ang palay sa 2nd quarter nga mas mataas sang 13 percent kun ikumparar sa pareho nga period sang nagligad nga tuig.
Samtang, sa mais naman, ginalauman nga magalab-ot sa 1.49 million MT ang output sini nga mas mataas sang 27 percent kun ikumparar sang 2024.
