Tubtob nalang sa Hunyo 26 ang pagbaligya sang P20 kada kilo sang bugas sa ciudad sang Bacolod.
Sa interview kay Brenda Burdeos, Project Development Officer IV sang City Cooperative and Livelihood Development Office (CCLDO) nga magatapos na sa Hunyo 26, ang pagbaligyaanay sang tag-P20/kilo nga bugas kag sa diin ang Brgy. 16 ang ulihi nga Barangay nga baligyaan sini.
Suno kay Burdeos, nagdangat sa kabug-usan nga 5,880 sacks sang bugas ang ginbakal sang City Government nga nagabalor sang P7,971,000 million.
Pila sa mga kabudlayan nga nakita amo ang mga pareho nga pumuluyo nga nagabalik-balik sa pagbakal sang barato nga bugas.
Nagalaom man ini nga mapadayon ang pagbaligya sang barato nga bugas bangud dako ini nga bulig sa mga pumuluyo.
Nalikop naman ang 61 ka mga Barangay sa ciudad sang Bacolod nga ginbaligyaan sang tag P20 kada kilo sang bugas.
