Mga kapulisan, ginhangkat sang PNP Chief nga magpatigayon sang 40 push-ups kada adlaw agud malab-ot ang fitness standards

Ginhangkat ni Philippine National Police (PNP) chief Gen. Nicolas Torre III ang mga pulis nga magpatigayon sang 40 push-ups agud malab-ot ang fitness standards sang sulod sang isa ka tuig.

Kun indi ini matigayon, nagpaandam ini nga sila ang mapahalin sa serbisyo.

Ini ang kabahin sang mandato sang PNP chief nga dapat physically fit kag makit-an sa physical appearance ang respeto kag otoridad sang mga pulis.

Abiso sini sa mga may-8:00 am tubtob 5:00 pm nga shift nga mag-early out kada alas 3:00 kun Martes kag Huwebes agud may tiyempo nga maka-exercise.

Kaangot sini, gin-organisa naman sang Police Community Affairs and Development Group (PCADG) ang ila 93-day functional workout sang Hunyo 19.