Ang mga tawo ang nagaprotesta kun may yara sang wala mauyunan sa sitwasyon ukon mga nagakatabo sa palibot.
Kaangay lamang nga nagtililipon ang grupo sang mga palahubog agud i-protesta ang mataas nga presyo sang makahulubog nga ilimnon sa Ghana.
Suno sa Ghana Drunkard Association nagpatigayon sila sang hublag sa ciudad sang Accra agud ayuon sa gobyerno nga pamatian ang ila sentimento kag hatagan sang solusyon ang nagasaka nga presyo sang mga ilimnon.
Suno kay Moses Onyah nga presidente sang grupo, mabatyagan sang minilyon nila nga miyembro ang 15 percent nga pagsaka sa presyo sang ilimnon.
Naghatag sang tatlo ka semana nga ultimatum ang grupo sa gobyerno nga masolusyunan ang issue kag nagpanawagan sang bulig sang ila anay Presidente nga si John Dramani Mahama.
Apisar makahalam-ot, ang Ghana Drunkards Association (GDA) ang isa sa mga pinakakilala nga asosasyon sa Ghana, nga may kapin 6.6 million members.
