Ginpahayag ni Filipino boxing icon Manny Pacquiao nga ang madugay sini nga lay off sa boxing nagduso pa gid iya passion sa sport sa pagpreparar sini para sa world welterweight title comeback batok kay Mario Barrios.
Ang kontra sang 46 anyos nga boxing icon amo ang World Boxing Council (WBC) champion nga si Barrios.
Sila ang maga-atubangay sa match sa Las Vegas sa Hulyo 19.
Liwat nga nagreunite si Pacquiao sa long-time veteran trainer nga si Freddie Roach.
Suno diri, gutom ini para sa isa ka boxing match bangod sa malawig nga tion nga wala siya nakasulod sa ring apang wala man sang pagbag-o sa iya physical conditioning.
Si Pacquiao ang nagdaog sa 12 world titles sa walo ka nagkalain-lain nga weight classes humalin sang nag-umpisa ang iya professional career sang 1995.
