Ginpasanyog pa sang Israeli military ang ila pagpangbomba sa Gaza matapos nagpagwa sang bag-o nga evacuation orders ang Israeli military sang Lunes.
Samtang nagapreparar naman ang mga opisyal sang Israel para sa mga paghinun-anon sa White House natuhoy sa posible nga ceasefire.
Nahibaluan nga ang mga bag-o nga airstrikes kag operasyon sa norte nga bahin sang Gaza ang nagtuga sang dako nga halit sa mga komunidad matapos sang mga mass evacuation orders.
Suno sa mga residente, nagapadayon ang ginapatigayon nga pagpangbomba sang Israeli military sa mga buluthuan, pamalay kag iban pa nga lugar sang mga sibilyan sa rehiyon.
Ginreport pa nga nakasulod na ang mga tangke sang Israel sa nasidlangan nga bahin sang Zeitoun suburb kag nakaangkon sang serye sang pagpangbomba didto.
