Ginpahayag sang abogado ni former Negros Oriental Rep. Arnolfo ‘Arnie’ Teves Jr. nga wala pa ini nakagwa sa Philippine General Hospital.
Suno kay Atty. Ferdinand Topacio, nagapabilin sa gihapon ang anay mamalidha sa ospital apisar sang una nga report nga posible ini makagwa kahapon.
Ginalauman kuntani nga makabalik na sa prisuhan si Teves sang Martes.
Madumduman nga pagkatapos sang ginpatigayon nga “major surgery” nga “appendectomy” sa anay mamalidha, ginhatagan na ini sang “clearance to be discharge” sang Philippine General Hospital.
Pagkatapos sini, igabalik na sa prisuhan sang Bureau of Jail Management and Penology sang Annex 2 sa Bicutan, Taguig City si Teves.
Apang apisar sini, ginpahayag namans ang iya kampo nga kinahanglan nga magpabilin nga ginabantayan sang mga professional ang iya medical condition.
