Nagpamahog si US President Donald Trump nga pauntaton ang binilyon dolyares nga mga subsidies nga ginabaton sang mga kumpaniya ni Elon Musk nagikan sa federal government, sa isa ka escalation sang war of words sa tunga sang Presidente kag sang sadto sini nga kaalyado.
Liwat nga nag-ibwal ang feud sa tunga sang duha sang si Musk, nga naggasto sang ginatos milyones sa re-election ni Trump, ang nagrenew sang iya kritisismo sa tax-cut kag spending bill sang Presidente, nga magadula sa mga subsidiya para sa mga electric vehicle purchases nga nakabenepisyo sa Tesla.
Suno kay Trump, akig si Musk bangud madula sa iya ang EV mandate kag nagalain ang buot sini bangud posible nga mas dako pa ang madula sa iya.
Nagsabat naman si Treasury Secretary Scott Bessent sa mga kritisismo ni Musk nga siya na ang bahala sa finances sang pungsod.
