Gin-athag sang Malacañang nga wala nagapamatok si President Ferdinand “Bongbong” Marcos Jr. sa K-12 program, apisar nga gincriticize niya ini matapos wala madeliver ang mga promisa nga mas mangin employable ang mga Filipino kag nagadugang lamang sa kabug-atan sang mga pamilya.
Suno kay Palace Press Officer Claire Castro, nagapakig-angot ang administrasyon sa pribado nga sektor agud ma-imprubar ang education system sa karun sa idalum sang K-12 program samtang in effect pa ang layi natuhoy diri.
Sang ginpamangkot si Castro natuhoy sa hagna ni Senator Sherwin Gatchalian nga himuon na lamang tatlo ka tuig ang college education imbes nga apat, suno sa tagpamaba, magasunod ini sa layi.
Suno sa iya, kun ano ang mangin layi, ini ang pagasundon kag hatagan sang balor kag panamion.
