Natapos na ang kampanya sa Wimbledon ni Pinay tennis star Alex Eala.
Wala nangin madinalag-on si Eala sa iya nga labing-una nga paghampang sa Wimbledon batuk sa defending champion nga si Barbora Krejcikova sa score nga 6-3, 2-6, 1-6.
Sa una nga set nakuha ni Eala ang kadalag-an apang sa pagsulod sang ika-duha kag ika-tatlo nga set, ginpakita ni Krejcikova ang abilidad sini sa paghampang batok sa ranked 56 player.
Nangin madinalag-on ang Czech player kun sa diin nahimo sini ang 5-0 nga puntos sa ika-duha nga set.
Si Krejcikova, ang indi nakahampang sa quarterfinals sang Lexus Eastbourne Open sang nakaligad nga semana bangud sa injury samtang nakalab-ot pa sa finals si Eala sa nasambit nga torneo.
Gindayaw man sang Czech player si Eala bangud sa ginkibot siya sini sang first round.
Masunod nga makaatubang ni Krejcikova si World No. 66 Caroline Dolehide ukon World No. 94 Arantxa Rus sa ika-duha nga round.
Samtang, si Eala ang magahampang man sa women’s doubles kaupod si Eva Lys kun sa diin makaatubang nila si Olga Danilovic kag Anastasia Potapova subong nga adlaw.
