Wala pa nakapagwa sang statement ang Actress-socialite nga si Gretchen Barretto angot sa pagkabig sa iya bilang isa sa mga suspek nga involved sa kaso sang missing sabungeros.
Suno sa whistleblower nga si Julie “Dondon” Patidongan, alias Totoy, nakahibalo si Barretto sa mga sekreto ni Atong Ang bangod sadto masami ini mag-upod sa businessman.
Samtang, gindeny naman ni Ang ang mga ginhambal ni Patidongan kag nagfile sang complaint batok sa whistleblower.
Si Patidongan ang involved sa kaso sang missing sabungeros sa Manila cockfighting arena sang 2022 kun sa diin may yara sang ginpatigayon nga Senate investigation kag filing sang criminal complaint.
Sa karun nagapanawagan si Patidongan kay Barretto nga buligan siya nga ma-expose ang mga ginhimo ni Ang.
Apang sa karun ginahulat pa ang pagpagwa ni Baretto sang statement angot sa missing sabungeros.
Kahapon, ginpahayag ni Justice Secretary “Boying” Remulla nga ginakabig na nga suspek si Ang kag Barretto kag ginahitso na ang pagpasaka sang kaso batok sa ila nga duha.
