Amat-amat na nga ginpang-ubra sang Bacolod City Government ang mga kinahanglan nga ubrahon para sa improvement sang Bacolod City.
Kalakip sa gin-una amo ang pag-imprubar sang Bacolod City Public Plaza.
Sa interview sang Bombo Radyo Bacolod kay Bacolod City Legal Officer Atty Karol Joseph Chiu, may yara lamang sang mga gagmay nga dapat nga kay-uhon sa Bacolod Public Plaza.
Ang improvement sa Bacolod Plaza ang agud mangin maayo matinlo kag manami bangud masami ini nga ginalagaw sang mga Bacolodnon.
Suno kay Chiu, sang Huwebes, ginpang-utod kag ginpang-trim naman ang mga sanga sang kahoy sa plaza agud nga maghawan.
Ini ang santo man sa luyag ni Bacolod City Mayor Greg Gasataya nga maghawan kag magsanag ang plaza.
Gin-athag man ni Chiu nga ang ginpang-utod nga kahoy ang hazardous na bangud patay na ini kag nagakalahulog nalang ang mga sanga gani delikado sa mga nagalabay kag nagakadto didto.
Mapadala man sila sang sulat sa Department of Environment and Natural Resources (DENR) sa pagpahibalo nga ang gin-utod nga kahoy ang hazardous na.
