Ginkalipay sang mga vendors sa Bacolod Central Market ang pagpatigayon sang flushing activity sa mga merkado sang Bacolod City Government.
Sa interview sang Bombo Radyo Bacolod kay Kimberly Ann Delfin, isa sa mga vendors sa Bacolod Central Market, madugay na ini nga nagabaligya sa merkado kag diri naman sila nagdako bangud ang ila iloy ang nagabaligya diri sadto.
Suno kay Delfin, maayo gid nga matinluan ang mga merkado agud indi na mahigko kag malikawan naman ang mga balatian.
Suno diri madamo naman ang makadto sa merkado agud mamalaklon bangud indi na mabaho kag mahigko.
Suno pa diri, may mga paryente na ini nga nagtaliwan bangud sa leptospirosis bangud sa mga danaw nga yara sa merkado.
Nagalaom ini nga magadamo pa ang ila customer gani nagapanawagan man ini sa mga pumuluyo nga magkadto na kag magbakal sa merkado bangud matinlo na ini.
