Ginpahanumdom sang direktor sang Bacolod City Police Office ang mga kapulisan nga mangin alerto kag magulu-aligmat kun magresponde sa insidente.
Ini kasunod sa kamatayon sang duha ka mga police officers sa separado nga armed encounters sa Cebu kag Quezon City.
Isa ka patrolman ang napatay samtang nagaresponde sa isa ka armado nga persona nga nagatuga sang gamo sa Cebu sang samtang ang isa ang napatay naman sang isa ka ginaalegar kawatan sa Quezon City.
Suno kay BCPO Director Police Col. Joeresty Coronica, yara na sa ila Standard Operating Procedure nga kun may respondehan, indi pagdulaon ang posibilidad nga magbato ang mga suspek.
Ini wala sang kinalain sa nagakatabo kun kaisa nga ginabantayan nga magresponde ang pulis kag amo na nga i-ambush.
Pahanumdom sini sa mga pulis nga mangin alerto kag magulu-aligmat gid kun nagaresponde sa insidente.
