Amat amat na nga ginakay-o sang Bacolod City Government ang mga guba nga traffic lights sa ciudad samtang nag-andar na ang tatlo sa mga traffic lights matapos nga nareprogram kag ginbutangan sang yellow light.
Sa pressconference ni Bacolod City Mayor Greg Gasataya, nagaandar na ang tatlo ka mga traffic lights nga ginreprogram nga nagahamtang sa intersection sang Burgos-Circumferential Road, BS Aquino sa bahin sang La Salle area kag sa Rizal-Lacson.
Suno kay Gasataya, lima sa onse ka mga traffic lights ang ginpaidalom sa reprogramming agud nga mag-andar samtang wala pa ang ciudad nakabakal sang bag-o nga units sang traffic lights.
Samtang may duha pa ka units ang padayon pa nga ginarepair kag ginahulat ang update nagikan sa technician.
Suno sa alkalde nagpangita sila sang eksperto agud nga magreprogram sang traffic lights agud nga mahatagan sang temporaryo nga solusyon ang problema sa trapiko sa ciudad sang Bacolod.
