Masobra 11,949 ka mga police personnel ang igadeploy sang Philippine National Police para sa seguridad sang State of the Nation Address (SONA) ni President Ferdinand Marcos Jr. sa palaabuton nga Hulyo 28.
Ginkumpirmar ni PNP Spokesperson Police Brig. Gen. Jean Fajarado nga nagpatawag sang isa ka command conference ang hepe sang PNP nga gintambungan sang mga regional directors partikular na ang regional director nagikan sa National Capital Region Police Office (NCRPO) agud istoryahan ang mangin deployment sa adlaw sang SONA sang Presidente.
Pagkatapos sini, magapatigayon man sang isa ka coordinating conference ang PNP kaupod naman ang side sang Office of the Sergeant-at-Arms sang House of Representatives agud maplantsa na ang pila ka security protocols nga igapatuman sa sulod ukon sagwa man sang Batasang Pambansa.
