Posible anay nga i-deploy ang underwater drones antes magpadala sang mga divers nga magapangita sang missing sabungeros sa Taal Lake suno sa Philippine Navy.
Suno kay Navy spokesperson Rear Admiral Roy Vincent Trinidad, nga isa man ka Navy SEAL, ini ang typical nga paagi nga ginapatigayon sang rescue teams.
Suno kay Trinidad, antes magpadala sang mga divers, ila anay igapadala ang underwater drones agud tsekyaron ang safety sini.
Ginpahayag ni Trinidad nga ang underwater objects ang posible nga maretrieve nga wala nagapadala sang isa ka diver.
Suno diri, kun makita nila ang ila dapat i-recover, object man ukon bangkay, sarang nila nga ma-attach ang connecting points kag pasakaon nga wala nagapadala sang maskin ano nga divers.
Suno sa iya, ang isa ka technical diving team ang ginalakipan sang duha ka mga divers, isa ka standby diver kag isa ka diving supervisor.
