Ginpalab-ot ni President Ferdinand “Bongbong” Marcos Jr. ang iya pagpakig-unong kag pag-isa kay US President Donald Trump kag sa mga Amerikano partikular na sa mga naapektuhan sang pagbaha sa Texas sang Hulyo 4.
Suno kay Marcos, on behalf sa mga Filipino, nagapalab-ot ini sang pagpakig-unong kay Trump kag sa mga Americans samtang nagapangatubang sila sang kalamidad sa Texas.
Suno diri, nakahibalo ang Pilipinas sang mga pagpanghangkat sa pagrecover matapos ang kalamidad kag nagaupod sa kasubo sang pamilya nga nadulaan sang mga pinalangga sa kabuhi.
Dugang pa sang Presidente nga ang kusog kag resilience sang mga pumuluyo sang Texas, kaupod sa pagpamuno ni President Trump, ang magagiya sa ila samtang sila ang nagarecover.
Ginkumpirmar naman sang mag otoridad nga indi magnubo 120 ka mga persona ang nagtaliwan sa pagbaha sa Central Texas samtang masobra 100 nga mga persona ang nagapabilin nga missing sa Kerr County kag dinosena naman sa iban pa nga estado.
