Liwat nga ginpiyestahan sa social media ang aktres nga si Kathryn Bernardo kag Lucena Mayor Mark Alcala matapos masiplatan ang duha sa airport.
Gina-alegar na nakit-an ang duha sa Ninoy Aquino International Airport apisar nga indi sila dungan apang parehas ang ila destinasyon padulong sa Australia.
Santo sa report, kumpirmado nga mapadulong ang duha sa Australia, si Kathryn sa Melbourne kag si Mark sa Sydney.
Apang, wala naman nasambit sa report kun ang duha magakit-anay sa Australia.
Madumduman nga nag-ibwal ang rumor sa duha matapos nga nakit-an sila nga magka-upod sang Disyembre, tinalikdan nga tuig.
Nakaligad nga bulan, nasiplatan si Kathryn kag Mark nga magkaupod sa Bonifacio Global City apang wala sang picture nga nakuha bangod dali-dali nga nagsulod ang duha sa van.
Samtang, sang Abril, sang ginpamangkot si Kathryn kun in a relationship na ini, nagsabat ang aktres nga single siya kag nalipay sa life.
