Gindeklarar nga dead on arrival sa ospital ang isa ka lalaki matapos nga ginluthang sang anum ka mga wala makilal-an nga armado nga persona sa Sitio Harvey, Barangay Minapasuk, Calatrava, Negros Occidental.
Sa interview sang Bombo Radyo Bacolod kay Police Captain Jesus Alba, Officer-in-Charge sang Calatrava Municipal Police Station, may yara sang nagpahibalo sa ila sang nagluntad nga shooting incident kun sa diin ginrespondehan sang mga kapulisan kag didto nakumpirmar nga positibo ang nakuha nga impormasyon.
Suno kay Alba, ang biktima ang anay Barangay Tanod sa nasambit nga Barangay kag ini ang ginkilala lamang kay alyas Jenesly.
Dugang pa sang hepe sa ila nga imbestigasyon ang mga suspetsado ang nagapakilala nga katapo sang New People’s Army.
Suno diri, narecover sa crime scene ang duha ka fired cartridges sang caliber 5.56 caliber kag isa ka fire cartridge sang .45 caliber pistol, mga panakot kag isa ka duyan.
Ginpahayag man sini nga ang mga suspek ang posible nga ginsiguro na sang mga ini nga indi na makasalbar ang biktima.
Nagcoordinate naman sila sa Philippine Army.
Dugang pa sini mga alas 5:30 ang takna kahapon sang kaagahon, Hulyo 11 ang nagalakat ang biktima padulong sa iya nga uma may yara sang anum ka mga wala makilala nga armado nga persona kag wala sang madamo nga estorya hinali nga gintiro ang biktima gamit ang wala matumod nga calibre sang armas-luthang.
Gindala pa ini sa Calatrava Municipal Hospital apang gindeklarar nga dead on arrival.
Samtang ginpahayag man sini nga pito sa 13 ka mga shooting incidents sa banwa ang gin-ako sang NPA kag ginpahayag sang mga ini sa pamilya sang mga biktima nga ang mga rason amo nga gina-alegar nga ang mga biktima ang may sala sa pagpatay sang mga kasapatan kaangay sang Karbaw sadtong 2012.
