Nagpagwa sang panibag-o nga rebelasyon ang whistleblower kag isa sa mga suspek sa kaso sang mga nagkaladula nga manugbulang nga si Julie Patidongan alyas Totoy.
Ginbuyagyag ni alyas Totoy nga gin-kidnapped ang mga manugbulang ka ginpatay sa isa ka slaughterhouse malapit sa isa ka fishpond sa Laurel, Batangas.
Kun sa diin pila mga biktima nga imbulbado sa game fixing ang ginhaboy sa may Taal Lake. Nauna na nga ginbuyagyag man ni Patidongan nga pila sa mga bangkay sang mga manugbulang ang ginhigot sa sako sang balas agud nga indi maglutaw kag magpabilin sa idalom sang Taal Lake.
Dugang pa sang whistleblower nga ang sistema amo nga gina-kidnapped sang mga suspek ang mga manugbulang kag sa masunod na nga adlaw nila kuhaon ang bayad sa ila nga tunga sa million ka piso kag ila nga ginapatay ang tanan nga imbulbado mapabata man, nagabusong kag wala sila sang ginabilin.
Ginpahayag man ni alyas Totoy nga may pila ka mga police nga imbulbado sa kaso ang luyag nga maghambal sa ila nga nahibaluan kag nakahanda nga magkooperar sa mga otoridad.
Isa diri ang ginatawag nga si Vito nga ginlaragway ni alyas Totoy nga isang lieutenant colonel na nagserbe bilang team leader.
Ginbayran ini sang P2 million kada bulan para sa iya nangin papel.
Natalana nga magfile si Patidongan ang iya official affidavit sa Lunes angot sa kaso sang missing sabungeros.
