Mga napatay bangod sa malala nga pagbaha sa Texas, nagdangat na sa 131

Nagdangat na sa 131 ang numero sang mga nagkalamatay bangud sa pagbaha sa Texas kadungan sang pagpaandam sang mga otoridad sang isa pa gid ka round sang makusog nga pag-ulan napulo ka adlaw matapos ang isa ka Hill Country flash flood.

Suno kay Texas Governor Greg Abbott, indi magnubo sa 131 ka mga persona ang nadulaan sang kabuhi sa Texas humalin Hulyo 4, kalabanan sa palibot sang Kerrville kun sa diin kapin 120 ang nareport.

97 ang nagapabilin nga missing sa Kerrville area nga ginalakipan sang mga kabataan.

Suno kay Abbott, paga-imbestigahan sang mga state lawmakers ang mga sirkumstansya natuhoy sa pagbaha, disaster preparedness kag emergency response.