Nagdangat na sa kinse ang suspected case sang Hand Foot and Mouth Disease (HFMD) sa Emiliano Lizares National High School sa Brgy Granada.
Sa interview sang Bombo Radyo Bacolod kay Cherish L. Flor, Principal 3 sang Emiliano Lizares National High School, kalabanan sa mga estudyante ang nagpahayag nga ang mga ini ang nagkalatnan bangud ang mga manghod sang mga ini ang may yara sang HFMD.
Suni kay Flor, ang mga estudyante nga ginasuspetsuhan nga may yara sang balatian ang ginapapauli agud nga makapahuway kag sila ang ginapaidalom sa alternative learning mode sa sulod sang pito ka adlaw.
Suno diri, ang eskwelahan ang nagbutang sang washing area sa entrance agud nga ang mga estudyante ang makapanghugas antes magsulod sa mga kwarto.
Samtang wala man sang class suspension kag nagapadayon ang pagklase bangud nagpatigayon naman ang mga ini sang disinfection.
Nahibaluan nga sa ciudad sang Bacolod may yara na sang 61 ka kaso sang HFMD halin sang Hunyo 29 tubtob Hulyo 5, 2025.
Nagapanguna nga mag pinakamataas nga kaso amo ang Barangay Villamonte nga may 10 ka kaso; Brgy Estefana nga may 8; Mansiingan nga may 6; Singcang nga may 5; Tangub nga may 5; Granada nga may 4; Alijis nga may 3; Vista Alegre 3; Banago 2; Cabug 2; Mandalagan 2 kag Bata nga may 2.
Kalabanan sa mga nagsuprer sang HFMD ang naga-edad sang isa tubtob pulo ka tuig.
