Patay ang isa ka lalaki matapos gintiro sa Town Heights Subdivision, Brgy. Matab-ang, Talisay City kahapo, Miyerkules sang gab-i.
Ang biktima ginkilala kay alyas Beboy Batman samtang ang suspek ang ginkilala kay alyas Beboy Rio lunsay nga mga residente sang nasambit nga lugar.
Santo sa mga panaysayon sang mga residente ang duha ang mag-abyanay kag wala man sang nabatian nga paglalisay sang hinali lang nga gintiro ang biktima sa atubang pa sang balay ni retired Police Captain Picar.
Suno kay Alyas Marie, bana sini ang nakakita nga nagahigda na sa atubang sang ila balay ang biktima.
Dugang pa sini nga isa lang ka lupok ang ila nabatian samtang sila ang nagapaniapon.
Ginpahayag man ni alyas Marie nga gintabunan man sang balas ang mga dugo nga naglapta sa atubang sang ila balay kun sa diin nakita nga nagahamyangon ang lawas sang biktima.
Samtang Suno sa duha ka babayi nga residente sang lugar nga wala sang trabaho ang suspect kag biktima nga residente man sa lugar kag ginalantaw nga utang ang motibo sang krimen.
Pilas naman sa nawala nga dughan ang naangkon sang biktima, nga ginalantaw gintunaan sang iya kamatayon.
Sa interview kay Police Major Rhazil Jim Jocson, Deputy Chief of Police sang Talisay City Police Station, ang biktima ang gindeklarar nga dead on arrival kag ang patal sini nga igo ang yara sa dughan nga naglapos sa likod.
Suno kay Jocson santo sa panaysayon sang mga witness, naga-istoryahanay ang mag-abyan sang gulpi lang naghunos ang suspek sang wala matumod nga armas-luthang kag ginluthang ang biktima.
Ginaalegar nga personal nga hiligut-anon ang rason sa pagpangluthang sang suspek sa iya abyan.
Sa karon nagapadayon ang imbestigasyon sang Talisay City Police Station sa nasambit nga krimen kag padayon man ang hot pursuit operation sa suspek matapos nga ini ang nagpalagyo sakay sa motorsiklo.
