Ginpanginwala sang state witness kag whistleblower nga si Julie “Dondon” Patidongan nga may yara sang kaangtanan ang war-on-drugs sang tinalikdan nga administrasyon sa nangin pagkidnap kag pagpatay sa mga missing sabungeros apat ka tuig na ang nakaligad.
Ini ang nangin sabat ni Patidongan sa pahayag ni Department of Justice Secretary Jesus Crispin Remulla nga posible may yara sang kaangtanan ang war-on-drugs sang administrasyon ni Duterte sa kaso sang mga sabungero.
Suno diri, nagalibot lamang sa bulang ang kaso kag wala sang kaangtanan sa druga ukon sa anuman nga sahi sang illegal nga bulong.
Apisar nga may ihibalo ini natuhoy sa pila ka mga personalidad nga imbolbado sa kampanya sang anay administrasyon, indi anay sini luyag nga ipakigbahin ini sa publiko bangud suno diri, indi ini konektado sa karun nga kaso nga ginaresolbar pa sang mga otoridad.
