Nagpatigayon sang mabaskog nga airstrike ang Israel sa Damascus, Syria.
Suno sa Syrian health ministry, sa nasambit nga pag-atake, may yara sang tatlo ka mga persona ang napatay kag 34 ka iban pa ang pilason.
Hugot nga ginkondenar sang Syria ang nasambit nga pag-atake sang Israel nga target ang pila ka mga government buildings sa Damascus.
Gintawag nila ang insidente nga “dangerous escalation”.
Ginpasiguro naman sang Syria nga sila ang magabalos sa ginpatigayon nga pag-atake sang Israel.
Ginlunsyar sang Israel ang pag-atake agud protektahan ang Druze, isa ka Arab minority nga amu ang nagabato sa gobyerno sang Syria.
Una na nga gintawag ni Israeli Prime Minister Benjamin Netanyahu nga threat sa ila ang bag-o nga pinuno sang Syria.
Ginkumpirmar naman sang Syria nga nagresulta sa kamatayon sang pila sa ila nga mga suldado kag mga sibilyan ang pagpanghilabot sang Israel matapos sini nga ginbomba ang Syrian forces sa Suwayda, southern Syria nga lapit sa border sang Jordan kag Israel.
Ang nasambit nga pag-atake sa Syrian forces kag sa ila weapons ang ginmando ni Israeli Prime Minister Benjamin Netanyahu bangud plano sang gobyerno sang Syria nga gamiton ang mga ini batok sa Druze.
Ang Druze militias ang nagapakigbato para sa Israel sa kada Arab-Israel war ang nagaisahanon nga Arab group nga ginpahanugutan nga mangin suldado sa Israel Defense Forces.
Gin-akusahan man sang grupo ang government forces sang Syria kag ang ila mga kaalyado sang summary executions sa mga sibilyan Druze.
Samtang, nagpatunga na ang Trump administration kun sa diin ginmando sini sa Israel nga untaton na ang pag-atake sa Syrian military forces.
