Nagdangat na sa apat ka mga persona ang nagkalamatay sa nagapadayon nga pagbubo sang ulan nga nagtuga sang malala nga pagbaha sa South Korea.
Ini matapos madugangan pa sang duha ang una nga nareport nga napatay samtang isa naman ang missing.
Ang mga biktima nga napatay sa kalamidad ang nareport nagikan sa ciudad sang Seasan, sa sur nga bahin sang Chungcheong province.
Ang isa ang narekord nga missing ang gin-anod sa isa ka suba sa Gwangju sa southeast portion.
Linibo nga mga residente naman ukon kabug-usan nga 5,192 ka mga persona nagikan sa 13 ka mga ciudad kag probinsya nga ginbaha ang gin-evacuate na.
Nahalitan man sang makusog nga pag-ulan kag baha ang 496 ka mga public properties samtang 276 ka mga private properties ang naguba.
Napostpone man ang ferry service sa pila ka mga lugar tuga sang makusog nga pag-ulan.
