Nagakasubo sa karun ang Arab country kasunod sang pagtaliwan ni Prince Al Waleed bin Khaled bin Talal Al Saud, nga kilala bilang “Sleeping Prince,” matapos ang 20 katuig nga na-coma bangud sa traumatic car accident.
Siya ang ginbun-ag sadtong Abril 1990 kag siya ang kamagulangan nga anak ni Prince Khaled bin Talal Al Saud, kag hinablos sang billionaire nga si Prince Al Waleed bin Talal.
Sa edad nga 15 samtang nagatuon bilang military cadet sa London siya ang naaksidente sang 2005 nga nagtuga sang severe brain injuries kag internal bleeding.
Apisar sang mga pagbulong gikan sa mga specialised American kag Spanish physicians, wala gid ini nakabugtaw.
Sa masobra 20 ka tuig si Prince Al Waleed ang nagpabilin sa unresponsive coma, apisar nga ang occasional involuntary nga paghulag sini ang naghatag sang gamay nga paglaom.
Ang amay sini nga si Prince Khaled, ang wala magpasugot nga kakason ang life support bangud sa pagpati nga magaayo ang anak sini paagi sa divine healing.
Bangud sa paglapta sang balita nga ang prinsipe ang nagtaliwan sa specialised medical facility in Saudi Arabia madamo man ang nagpadangat sang pagpakig-unong sa nalisdan nga pamilya.
