Indi magnubo 20, patay sa pagcrash sang fighter jet sang Bangladesh Air Force sa isa ka college campus

Indi magnubo sa 20 ka mga persona ang nagkalamatay matapos nagcrash ang fighter jet sang Bangladesh Air Force sa isa ka kolehiyo sa Dhaka.

Ang nasambit nga insidente sa Milestone School and College campus nga makit-an sa Diabari, northern Dhaka ang nagtuga sang pagkapilas sang 100 ka mga persona.

Suno sa mga otoridad, kalabanan sa mga pilason nga biktima ang estudyante.

Santo sa imbestigasyon, nagcrash ang BAF F7 jet kag nag-igo sa nasambit nga buluthuan kun sa diin nalakip sa mga napatay ang piloto.

Sa karun nagapadayon pa ang ginapatigayon nga imbestigasyon sang mga otoridad sa insidente.