Kinse ka mga Barangay sa banwa sang Moises Padilla, Negros Occidental ang apektado sang pagbaha bangud pag-ulan dala sang Hanging Habagat.
Sa interview kay Moises Padilla Local Disaster Risk Reduction Management Office Head Reynaldo Horegue, halos ang mga evacuees ang nakabalik na sa ila mga puluy-an.
Suno kay Horegue sa assessment sang mga ini sa kahalitan nga ginbilin sa nagluntad nga pagbaha sa banwa nga ginalakipan sang infrastructure, pamalay kag agrikultura ang nagdangat sa P29,509,118.77.
Suno diri, ang mga evacuees ang nagdangat sa 907 individuals.
Nalakip sa naguba bangud sa pagbaha ang overflow sa Sitio Malogo nga nagdangat sa P1.4 Million kag isa pa ka overflow sa Macagahay nga padayon nga ginaubra ang naguba man.
Dako man ang halit sa dalan nga nagdangat sa P21.5 million ang damage kag ang P4.5 million ang balor sang kahalitan sa agrikultura.
Samtang sa mga balay naman nga nahalitan ang P1.9 million.
Wala man sang casualty nga narecord sa banwa.
Padayon sa karun ang pagtipon sang mga datos sang kahalitan agud nga makita kun ang Moises Padilla ang mahimo nga magdeklarar sang state of calamity.
