Wala na sang kabuhi ang lapsag nga lalaki sang maukayan sa basurahan sa Barangay Punta Taytay, Bacolod City kahapon.
Sa interview sang Bombo Radyo Bacolod kay Barangay Tanod Mario Canlas, may nagpahibalo sa iya nga e-bike driver nga may personnel ang IPM nga makuha kuntani sang basura apang may nakita sila nga kaserola kag wala man nila ginalauman ang unod.
Suno kay Canlas sang ulaon na kuntani ang kaserola, nakita nila nga ang unod ang isa ka lapsag nga lalaki nga wala na sang kabuhi.
Pahayag sini nga mga pasado alas 2:00 kahapon sang hapon nakita sang personnel sang IPM ang kaserola apang alas 3:00 na sang hapon nabaton ang report.
Sang nakita na sini ang lapsag gintakluban niya ini bangud gindugukan na sang mga tawo.
Suno kay Canlas, ang lapsag ang indi na fetus kundi isa na ka newborn bangud kumpleto na ang body parts sini.
Upod sa sulod sang kaserola ang inunlan sang lapsag kag ang umbilical cord sini ang wala pa nautod.
Ginpahayag naman sang Punong Barangay sang Barangay Punta Taytay nga ipalubong nalang ang lapsag nga nasapwan sa basurahan.
Suno kay Clifford Orlan Palma, gintawgan na sang pari agud nga mapangamuyuan ang lapsag samtang nagahulat sang punerarya nga magkuha sini.
Suno kay Palma, ang lapsag ang ipalubong sang mga ini sang insakto.
Nagpanawagan man ini sa pamilya sang lapsag nga makig-angot sa Barangay.
