Indi magnubo sa tatlo ka mga persona ang nagkalamatay samtang dinosena nga tourista naman ang nastranded matapos ang isa ka wala ginlauman nga cloudburst nga nagtuga sang makusog nga pag-ulan nga nagresulta sa baha kag landslide sa Babusar Road, Gilgit-Baltistan, Pakistan.
Suno sa Diamer district administration, tatlo ka bangkay ang gindala sa Regional Headquarters Hospital (RHQ) sa Chilas, samtang isa nga pilason ang padayon pa nga ginabulong sa ospital.
Natabo ang insidente alas 3:30 sang hapon sa tunga sang Jal kag Diyung kun sa diin ginbaha kag may nagluntad nga landslide sa ginabanta pito tubtob walo ka kilometro nga bahin sang dalan.
Nareport ang 14 tubtob 15 feet sang bato, lutak kag baha.
Gilayon naman nga nagpatigayon sang rescue operations ang mga lokal nga otoridad agud ma-evacuate ang mga nastranded nga tourista.
