Ginpakigbahin ni Ryan Garcia ang luyag sini nga maatubang sa ring si Filipino champ Manny Pacquiao.
Suno sa 26 anyos nga boxer, madugay na sini nga ginahandum nga machallenge si Pacquiao.
Ang former interim lightweight titlist ang ginalauman na sadto nga posible mangin opponent ni Pacquiao apang ang match sa tunga sang duha wala natabo.
Sang tinalikdan personal nga naglupad si Garcia sa Japan para mag-attend sa exhibition bout ni Pacquiao batok kay Japanese kickboxer Rukiya Anpo sa spekulasyon nga ang duha may yara sang match.
Samtang, natigayon nga nagbalik si Pacquiao matapos ang iya apat ka tuig nga pagpahuway.
Nakontra sini si Mario Barrios sa majority draw para sa World Boxing Council welterweight title.
Sa karun, pahayag ni Garcia, interesado ini nga maatubang sa sulod sang ring si Pacquiao.
Apang ang fighter nga kilala bilang si “King Ry” ang magahulat anay bangod sa karun si World Boxing Association welterweight belt holder Rolly Romero ang yara sa track para maatubang si Pacquiao nga ginalantaw liwat nga magapartisipar sa match sa Disyembre.
Mas dako ang tsansa ni Romero bangod napierde sini si Garcia sa unanimous decision sa ila match sa New York.
Apang, ginapahibalo naman ni Garcia, nga available siya bisan ano nga oras kag bisan diin nga venue.
