Napatay si Major General Duong Somneang, ang commander sang Cambodia’s 7th Division sa nagapadayon nga inaway sang mga ini kag Thailand.
Napatay ini sa isa ka artillery strike sa lugar sang Chong Ta Thao–Phu Ma Kua Sabado, Hulyo 26, 2025.
Natabo ini sa tunga sang masandukot nga pagbayluhanay sang lupok sa pagpakigbato para sa control sa ila nga ginaagawan nga teritoryo.
Suno sa report, temprano nga nag-umpisa ang inaway kun sa diin madinalag-on nga napahalin sang Thai forces ang mga tropa nga Cambodian nagikan sa Phu Ma Kua.
Gintestingan sang Cambodia nga maghimo sang counterattack apang naresulta ini sa madamo nga mga casualties kalakip na si Major General Somneang.
Samtang, ginpamalibaran naman sang United Nations Security Council (UNSC) ang petisyon sang Cambodia kag nagpanawagan sang direkta nga paghinun-anon sa tunga sang Cambodia kag Thailand.
Gin-akusar sang Cambodia ang Thailand nga ini ang nag-umpisa sang kinagamo kag gin-file ang reklamo sa UNSC.
Nagsabat naman ang Thailand kag ginpakita ang ebidensya nga ang Cambodia ang una nga nagpang-atake.
Ginabasol man sang Thailand ang Cambodia sa mga posible nga krime sa inaway kabilang ang pag-atake sa mga sibilyan kag ospital.
Suno sa UNSC, indi man makabig nga international threat ang inaway sang duha ka pungsod gani mas maayo nga maresolba ini paagi sa bilateral negotiation.
